வெர்சன் 7.5 ” ஐ யம் நாட் ஒர்ரி அபவுட் மனி“ பிகாஸ் ஐ யம் ஐலி குவாலிபைட் கம்ப்யூட்டர் சாப்ட்வேர் இன்ஜினியர்” டிரம்ப் இஸ் ஆல்சோ

” ஐ யம் நாட் ஒர்ரி அபவுட் மனி“ பிகாஸ்  ஐ யம் ஐலி குவாலிபைட் கம்ப்யூட்டர் சாப்ட்வேர் இன்ஜினியர்” டிரம்ப் இஸ் ஆல்சோ வெயிட்டிங் பார் மை அரைவல்” இப்படி நுனிநாக்கில் விடாமல் பேசிக் கொண்டிருந்த லோகேஷ்-ஐ வாயைத் திறந்தபடி பார்த்து கொண்டிருந்த பரந்தாமனுக்கு ஒண்ணும் புரியவில்லை. இருவருமே ஏழாம் வகுப்பு முதல்  பதினோராம் வகுப்பு வரை ஒன்றாய் படித்தவர்கள்.ennathuli

வெர்சன் 7.5  

                காலச்சூழலால், பரந்தாமன் பெட்டிக்கடை வியாபாரியாகவும், லோகேஷ் கம்ப்யூட்டர் என்ஜினியராக மாறி அமெரிக்காவில் உள்ள ஒரு பெரிய நிறுவனத்தில் ”தஸ். புஸ்ஸென்று பேசிக் கொண்டிருக்கும் பணியாளராய் மாறி கைநிறைய சம்பளமும், அளவுக்கு அதிகமான சலுகைகளும் அனுபவித்து வருகிறான்.

                பெட்டிக்கடை பரந்தாமனோ, வியாபாரம் சரியில்லை” என்ன செய்யலாம், ஏதாவது பரிகாரம் செய்யலாமா? அதற்கு நல்ல ஜோசியரைப் பார்க்கலாமா? யோசித்துக் கொண்டிருந்த போதுதான் லோகேஷ்- ஐ சந்திக்க நேர்ந்த து.

                 ”அதெல்லாமிருக்கட்டும் லோகேஷ், என் பெட்டிக்கடை வியாபாரம் டல்லடிக்குது, எனக்கு நேரம் சரியில்லைன்னு தோணுது, நான் ஜோசியர்கிட்டே போகணும், ஒன் கார்ல டிராப் பண்ணிடேன்” ன்னு கேட்டான் பரந்தாமன்.

                ”நோ…நோ… ஐ யம் நாட் இன்ட்ரஸ்ட் இன் அஸ்ட்ராலாஜி,வெரி பூலிஷ் யூ” என்று பேசினான். அதெல்லாம் பரந்தாமன் காதில் நுழையவில்லை.. ஒண்ணும் புரியலப்பா, என்னை காரில் டிராப் பண்ணிடு” என்று கேட்டுக் கொண்டான்.

                 கார் ஜோசியரின் வீட்டுக்கு அருகில் நின்றது. Motivated stories

                 காரிலிருந்து இறங்கிய பரந்தாமன், தாங்ஸ் லோகேஷ், நீயும் உள்ளே வாயேன், எனக்கு என்னதான் சொல்றாரு கேளேன்” என்று கேட்டுக் கொண்டான்.

                ”பரந்தாமா ஒனக்காக வர்றேன்” என்றான்.

                பரந்தாமனுக்கு ஜோசியம் பார்த்து….. ”ஒன்னோட பொட்டிக்கடை” மாடமாளிகையா போகுது” அதிர்ஷ்டம் காத்துகிடக்குது, ஆடி போய் ஆவனிக்கு பின்னாலே ஐயா, கார்லதான் வருவாரு” என்றார் ஜோசியர்.

                ”உடனே கிண்டலாக “ஐயா, இப்பவே கார்லதான் வந்தாரு, என்னோட கார்ல” கேலியாக லோகேஷ்.

                “அட தம்பி தமாஷா பேசுதே, என்ன தம்பி ஒங்களுக்கு பார்க்கணுமா? ஜோசியம் என்று கேட்டார்.

                ”நோ..நோ. ஐ யம் நாட் இன்ட்ரஸ்ட் இன் அஸ்ட்ராலாஜி, ஜோசியம் ஜாதகம் எல்லாம் சுத்த அம்பக்” என்று வாதிட்டான்.

                ”இல்லே தம்பி, சும்மா ஒங்க பேரை சொல்லுங்க” ஒரு ரெண்டு வார்த்தை  சொல்றேன். பலிச்சுதன்னா அப்புறமா கூட வந்து பாருங்க” என்று சொல்லிவிட்டு அவனின் பதிலை எதிர்பார்க்காமல், பரந்தாமனிடம், ஒங்க பிரண்ட் பேரு என்ன்ன்னு கேட்க. பரந்தாமன்” அவன் பேரு லோகேஷ்” என்றான்.               

                ”லோகேஷ் பேருக்கு பலன்னு பார்த்தா… தம்பி புதுசா ஒண்ணைக் கண்டுபிடிக்க போகுது, அதுதான் உலகம்  பூரா புகழைத் தரப்போகுது. அதே நேரத்துல…கொஞ்சம் நிறுத்தினார் ஜோசியர்.  உடனே பரந்தாமன், என்ன ஜோசியரே-ன்னு கேட்க லோகேஷ் பதறாமல் இருந்தான்.

                 அந்த கண்டுபிடிப்புதான் அவரோட புகழை மங்க வைக்கும், அயல்நாட்டுல வேலை செஞ்சாலும் பிறந்த மண்ணுக்கு துரத்திவிடும்,short stories

                ”வாட் யூ ஆர் டாக்கிங் பூலிஷ் ஜோஸ்யர், டே வாடா பரந்தாமா என்று அவனை அழைத்து கொண்டு வெளியேறினான்.

                “ இன்னாடா ஜோசியர், சின்ன பொட்டிக்கடை வைச்சிருக்கிற ஒன்னை கோடிஸ்வரனாவேன்னு சொல்றாரு, என்னைய ஊருக்கு வந்திடுவேன்றாரு…. சுத்த உறம்பக் ” என்று பேசியவாறே காரில் ஏறி ”பை. ஸீ யூ” என்று காரில் பறந்தான்.

                 கொஞ்சநாள் கழித்து விமானத்தில் பறந்து அமெரிக்கா போன லோகேஷ், அவனது கம்பெனியில் புது சாப்ட்வேர் கண்டுபிடித்தான், அதற்கு வெர்சன் 7.5 என்று பெயரிட்டான்.  அந்த  பெரிய கம்பெனி அவனை தலைமேல் தூக்கி வைத்து  கொண்டாடியது… சலுகைகளை அள்ளி வழங்கியது. திக்குமுக்காடி போனான்.

                 வெர்சன் 7.5 உலகமெங்கும் எல்லா நிறுவனங்களிலும்  பயன்படுத்த துவங்கினார்கள். அப்படி ஒரு கம்பெனியில் பயன்படுத்த துவங்கும்போதுதான்…அந்த எதிர்பாராத சம்பவம் நடந்து... அந்த கம்பெனியின் ஆவணங்கள் எல்லாம் அடியோடு காணாமல் மறைந்து விட்டது. என்ன செய்தும் மீட்டெடுக்க முடியவில்லை.

                 அந்த கம்பெனி, ”வெர்சன் 7.5” மென்பொருளால் எங்கள் நிறுவனம் பாதிக்கப்பட்டுள்ளது. எனவே அதனின் தரக்குறியீடு 0.5 அளவுக்கு கூட மதிப்பில்லாதது என்று பதிவிட அதுவும் உலகம் பூராவும் பரவ துவங்கியது.

                 லோகேஷின் கம்பெனியின் சி.இ.ஓ. லோகேஷ்-ஐ கூப்பிட்டு, மிஸ்டர் என்ன செய்து வைச்சிருக்கீங்க, ஒங்க திறமையை நம்பித்தானே சாப்ட்வேர் வெளியிட்டோம், யூ ஆர் கோ அன் லீவ் சம் டேஸ் என்றார்.               ஏ.ஸி அறையிலும் உடம்பு குப்பென வேர்த்தது. “ஸார், என்று ஆரம்பிக்கும் போதே நோ மோர் எக்ஸ்பிளனேஷன், யூ வில் பேக் அப் டு யுவர் கன்ட்ரி வெரி சூன்” வி வில் கால்யூ லேட்டர்” கடுமையாக எச்சரித்தார் சி.இ.ஓ.

                வெளியே வந்த லோகேஷ், கவலையோடு பரந்தாமனுக்கு அலைபேசியில் பேசினான்.

                ”டேய் பரந்தாமா எப்படிடா இருக்கே? பொட்டிக்கடை வியாபாரம் நல்லா இருக்கா? கேட்டான்.usefultips

                ”பொட்டிக்கடையா? அதெல்லாம் மாத்தி அந்த இடத்துல பெரிய நாலு அடுக்குல டிபார்ட்மெண்ட் ஸ்டோரா மாத்திட்டேன்,  அமெரிக்காவூல இருக்கிற பொருட்கள் கூட எங்க டிபார்ட்மெண்ட் ஸ்டோர்ல கிடைக்கும்டா” நீ எப்படி இருக்கே? என்றான் பரந்தாமன்.

                டேய் பரந்தாமா, நான் கண்டுபிடிச்ச சாப்ட் வேர் உலக அளவில புகழ் பெற்று எனக்கு சம்பளமும் சலுகைகளும் அள்ளித் தந்தாங்க, ஆனா அதே சாப்ட்வேர் என்னை அமெரிக்காவை விட்டே துரத்தற நிலைமை வந்திடுச்சுடா ”என்றான்.

                ”அப்போ ஜோசியர் வாக்கு பலிச்சு போச்சா, அச்ச்ச்சோ” உச் கொட்டினான்.

             .

                 சரி ஊருக்கு எப்ப வர்றே நேர்ல பேசிக்கலாம் என்றான் பரந்தாமன். கொஞ்சம் நாள் கழித்து ஊருக்கு திரும்பிய லோகேஷ் பரந்தாமனை சந்திக்க அவன் வீட்டுக்கு போனால் . பரந்தாமன்  பெரிய பாரின் காரில் வந்திறங்கினான்.

                 லோகேஷிடம் விசாரித்து, விவரம் தெரிந்தவுடன்… ”நீ தப்பா நினைச்சுக்கலைன்னா, என்னுடைய டிபார்ட்மெண்ட் ஸ்டோர்ல கம்ப்யூட்டர்  செக்ஷன்ல சீப் எக்ஸிகியூடிவா இருந்துக்கோ” என்றான்.

                  இருடா… கொஞ்சநாள் யோசித்து சொல்றேன் என்றான்  பத்தாம் நாளில்… பத்திரிகைகளில்…. ”கொட்டை எழுத்துக்களில் பளிச்சிட்டது அந்த வாசகம்.  ”வெர்சன் 7.5 ” என்ற பதிப்பு தரமானது, அந்த பதிப்பினில்…. போட்டி கம்பெனிக்காரர்கள் தவறான கோடிங்  கொடுத்து எங்கள் நிறுவனத்திற்கு  கெட்ட பெயர் வாங்கி கொடுத்து விட்டார்கள். எங்களுக்கு நம்பிக்கை இருக்கிறது விரைவில் இப்பிரச்சினை தீர்க்கப்படுமென்று உறுதியளித்திருந்தனர்.

                        பரந்தாமன்.. லோகேஷிடம் கேட்டான், இன்னாடா ஜோஸ்யரை பார்க்கலாமா என்றான். வேண்டாம், ஜோஸ்யம், ஜாதகமெல்லாம் சுத்த உறம்பக்…இப்பவும் நான் அதெல்லாம் நம்ப தயாரில்லை என்றான்.

                        ,  வேண்டாம் பரந்தாமா, எனக்கு இப்பத்தான் அவங்க பத்திரிகை விளம்பரத்தைப் பார்த்தேன், அவங்க என் பேர்ல வைச்சிருக்கிற நம்பிக்கையை காப்பாத்தணும்டா… நாளைக்கு நல்ல முடிவு சொல்றேன்டா என்று வீட்டிற்கு போனான்.

                                மறுநாள் அமெரிக்காவில் உள்ள அலுவலகத்திற்கு மின்னஞ்சலில் “வெர்சன் 7.5 என்ற பதிப்பை உரிய திருத்தங்களோடு அனுப்பியுள்ளேன்.ஏற்றுக் கொண்டு பணியில் சேர அனுமதிக்கவும் என்று கோரிக்கை விடுத்திருந்தான்.

                                அவன் கோரிக்கை ஏற்கப்பட்டது.

                                ”பரந்தாமனுக்கு ஆச்சர்யம் எப்படிடா? ஜோஸ்யர் சொன்னதை பலிக்காம செய்துட்டே ”

                                ”டேய் அவர் போட்டதும் கணக்குத்தான் நான் போட்டதும்  கணக்குதான். என் கணக்குப்படி  வெர்சன் 7.5 தயாரித்தேன். …ஆனால்… ஒரு சின்ன திருத்த த்தால மறுபடியும் வெளிநாட்டுக்கே போறேன் பார்த்தியா அங்கதாண்டா இருக்கு கணக்கு என்றான்.

                                அது என்ன கணக்குடா ? என்றான் பரந்தாமன்.

                                “வெர்சன் 7.5 –ஐ வெர்சன் 7.75 –என மாற்றிவிட்டேனடா? என்றான் லோகேஷ். ஆச்சர்யமாய் அவனையே பார்த்து கொண்டிருந்தான் பரந்தாமன்.

வயசு பெண்கள் மூக்கில்